一直都有睇開佢係壹週寫既專欄, 好佩服佢靠自學得返黎既知識同智慧.
岩岩睇完佢本創業, 主要係佢係壹週寫關於佢創業既本章既結集.
穫益都幾多. 
好少人事業有成之後仲會出書同人分享做生意心得,
頂多都只係出自傳歌頌自己有幾英明神武.
但係肥佬黎寫既係佢自己既親身經歷, 有成功既, 亦有失敗既.
當中我諗可以係失敗例子裡面學到最多.  因為成功例子傳媒都會經常報導,
但係失敗例子多數當事人都唔會想多提. 
用五十蚊買到人地用幾千萬換返黎既教訓, 簡直係超值.

而且佢將成功同失敗例子放係一齊比較分析, 就好容易可以睇到同一個人做同一件事,
用唔同手法去做會帶黎既不同結果.  咁就可以睇出智慧同付出對成敗有決定性既影響.
而運氣佔既比重或者並非想像中咁大.

值得推介.